काठमाडौं। नेपाल एसबीआई बैंकले बैंकले आज (बुधबार)बाट ऋणपत्र बिक्री खुला गर्दैछ। यसले ३ अर्ब रुपैयाँको ऋणपत्र निष्कासन गरेको हो।

बैंकले प्रतिइकाई १ हजार रुपैयाँको दरमा ३० लाख इकाई ऋणपत्र जारी गरेको हो। यसमध्ये १८ लाख इकाई बैंकले अन्य संघसंस्थालाई बिक्री गर्ने भएको छ । बाँकी १२ लाख इकाई सर्वसाधारणका लागि खुला गरेको छ।

यस ऋणपत्रमा सामूहिक लगानी कोषबाट कुनै पनि आवेदन परेको छैन। एसबीआईले ५ वर्ष अवधिको ‘नेपाल एसबीआई बैंक ऋणपत्र, २०८३’ जारी गरेको हो। यसमा वार्षिक १०.२५ प्रतिशत व्याजदर दिने बैंकले जानकारी दिएको छ। बिक्री प्रबन्धकको काम सानिमा क्यापिटलले गरेको छ। यस ऋणपत्रमा असार २६ गतेसम्म आवेदन दिन पाइनेछ।

उक्त समयसम्म सबै ऋणपत्र बिक्री नभएमा भने साउन ४ गतेसम्म खुला रहनेछ। न्यूनतम २५ इकाईदेखि अधिकतम १२ लाख इकाईसम्म आवेदन दिन सकिनेछ। यसमा सी-आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ।