काठमाडौं । अमेरिकी स्वतन्त्रता दिवसको अवसरमा शिकागोमा भएको गोलीकाण्डमा सात जनाको मृत्यु भएको छ भने ३० जना घाइते भएका छन् । शिकागोको हाइल्याण्ड पार्कमा गोलीबारी २२ वर्षीय रोबर्ट ई. क्रिमो तृतीयद्वारा गरिएको थियो।

रोबर्ट ई क्रिमोले टेरेसबाट गोली हानेका थिए जब मानिसहरू यहाँ स्वतन्त्रता दिवस परेड हेरिरहेका थिए। यो आक्रमण गरेपछि रोबर्ट महिलाको लुगा लगाएर भागे । तर, पछि प्रहरीले उनलाई पक्राउ गरेको थियो ।

अमेरिकाले ४ जुलाईमा आफ्नो २४६ औं स्वतन्त्रता दिवस मनायो। पूरै अमेरिका जस्तै शिकागोमा पनि जनता स्वतन्त्रताको उत्सवमा डुबेका थिए, तब एक्कासी भागदौड मच्चियो । यहाँ पूरै हाईल्याण्ड पार्क गोलीको आवाजले गुन्जियो।

मानिसहरु आफ्नो ज्यान जोगाउन यता उता दौडन थाले । गोलीबारीका कारण १० मिनेटमै परेड रोकिनुपरेको थियो । उक्त गोलीबारीमा ७ जनाको ज्यान गएको थियो ।

आक्रमणपछि प्रहरीले आरोपी रोबर्ट ई क्रिमोलाई हिरासतमा लिएको छ । अभियुक्तले परेडमा टेरेसबाट गोली हानेका थिए। अमेरिकी स्थानीय समय अनुसार बिहान १० बजे परेड सुरु भएको थियो । तर गोलीबारीका कारण १० मिनेटमै परेड रोकिएको थियो । परेड सुरु भएको १० मिनेटमै गोलीबारी सुरु भएको प्रत्यक्षदर्शीले बताएका छन् ।

रगतले लतपतिएको शव यहाँ लडेका थिए । मानिसहरु ज्यान जोगाउन दौडिरहेका थिए । परेड देखाउन बालबालिकासहित ठूलो संख्यामा मानिसहरु आएको बताइएको छ । तर गोलीकाण्डका कारण मानिसहरु आफ्ना बालबालिकाको ज्यान जोगाउन आक्रमण भएको ठाउँबाट दौडिएको देखियो ।

प्रहरीका अनुसार रोबर्टले ७० राउण्ड फायर गरेका थिए । त्यसपछि उनी तल आए र आफ्नो बन्दुक फाले र भीडमा सामेल भए। यहाँबाट उनी आमाको घर गए । उनले आमाको कार लिए। तर रोबर्टले आफ्नी आमालाई गोलीबारीको बारेमा केही बताएनन्। तर, प्रहरीले कारबारे अलर्ट जारी गरेपछि प्रहरीलाई खबर गरिएको थियो । त्यसपछि प्रहरीले रोबर्टलाई पक्राउ गरेको थियो ।

रोबर्टको कारबाट एक राइफल पनि बरामद भएको छ। प्रहरीका अनुसार यो कानुनी रुपमा रोबर्टले किनेको हो । उनको घरबाट अन्य हतियार पनि बरामद भएको छ । हाल रोबर्ट प्रहरी हिरासतमा छन्। प्रहरीले मुद्दा दर्ता गरेको छ । यता प्रहरीले गोली प्रहारसँग सम्बन्धित कुनै भिडियो देखिएमा प्रहरीलाई दिन आग्रह गरेको छ ।