आमिर खानको फिल्म लाल सिंह चड्ढालाई लिएर फ्यानहरु निकै उत्साहित देखिएका छन् । बलिउडका मिस्टर परफेक्शनिस्टको यो फिल्म अगस्ट ११ मा रिलिज हुँदैछ । लाल सिंह चड्डाको पहिलो दिन, पहिलो शो हेर्न चाहनेहरूका लागि एउटा राम्रो खबर छ।

आमिर खानका फ्यानहरू यो थाहा पाउँदा खुसी हुनेछन् कि थिएटरमा हलचल मच्चाउने लाल सिंह चड्ढा ओटीटी प्लेटफर्ममा पनि रिलिज हुनेछन्। बलिउड लाइफको रिपोर्ट अनुसार, फिल्म निर्माताहरूले लाल सिंह चड्ढालाई सिनेमाघरमा रिलिज भएको दुई महिनापछि ओटीटी प्लेटफर्ममा रिलिज गर्ने निर्णय गरेका छन्।

अर्थात्, अक्टोबरमा, तपाईं आरामसँग घरमा बसेर ओटीटीमा फिल्म हेर्न सक्नुहुन्छ। आमिरको फिल्म ओटीटीमा आउने पक्का छ, तर फिल्म कुन प्लेटफर्ममा रिलिज हुनेछ भन्ने कुरा भने स्पष्ट भइसकेको छैन ।

आमिर खान चार वर्षपछि लाल सिंह चड्ढामार्फत ठूलो पर्दामा आउँदैछन् । जसका कारण फ्यानहरु आमिरको आगामी फिल्मको प्रतिक्षामा छन् । लाल सिंह चड्ढा हलिउड फिल्म फरेस्ट गम्पको रिमेक हो। फरेस्ट गम्पले ओस्कार सहित धेरै अवार्ड जितिसकेको छ । अब हेर्नु पर्ने छ कि लालसिंह चड्डाले अवार्ड र दर्शकको माया जित्न सक्छ कि सक्दैन ।

फिल्ममा आमिर खानसँग करिना कपूर खान मुख्य भूमिकामा छिन् । चलचित्रका गीतहरु पनि दर्शकले रुचाएका छन् । आमिर खान यस फिल्मको मुख्य अभिनेता र निर्माता पनि हुन्। लाल सिंह चड्ढामा करिना कपुर र आमिर खानका अलावा मोना सिंह र दक्षिण अभिनेता नागा चैतन्य पनि महत्वपूर्ण भूमिकामा देखिनेछन् ।