काठमाडौँ। नेपाल स्टक एक्सचेञ्ज (नेप्से)मा बरुण हाइड्रोपावर कम्पनीको सेयरमा मूल्य समायोजन भएको छ। कम्पनीको १०० प्रतिशत हकप्रद सेयरपछिको सेयरमा मूल्य समायोजन भएको हो।

सेयर मूल्य समायोजनपछि कम्पनीको सेयर भाउ २ सय ७१ रुपैयाँ ५ पैसा तोकेको छ। सोमबार यही मूल्यलाई आधार मानेर कम्पनीको सेयर कारोबार खुल्नेछ । नेप्सेले आइतबारको अन्तिम कारोबार मूल्य ४ सय ४३ रुपैयाँका आधारमा मूल्य समायोजन गरेको हो ।

कम्पनीले २६ लाख ७९ हजार ७५ कित्ता हकप्रद सेयर बिक्री गर्न लागेको हो । कम्पनीले प्रति कित्ता १ सय रुपैयाँ अङ्कित मूल्यमा २६ करोड ७९ लाख ७ हजार ५०० रुपैयाँबराबरको हकप्रद सेयर जारी गर्न लागेको हो। यस हकप्रदमा बिक्री प्रबन्धकको काम एनआईबीएल एस क्यापिटलले गर्नेछ ।