काठमाडौं । नेपाल राष्ट्र बैंकले १८ अर्ब १ करोड ६५ लाख ५० हजार रुपैयाँबराबरको ट्रेजरी बिल जारी गर्ने भएको छ । बैंकले २८ दिन र ९१ दिनको गरी २ किसिमको ट्रेजरी बिल जारी गर्न लागेको हो ।

बैंकले २८ दिनको लागि ५ अर्ब ट्रेजरी बिल जारी गर्ने भएको छ। यो बिल आगामी साउन ३१ गते परिपक हुनेछ। यस्तै, ९१ दिनको लागि ५ अर्व २० करोडको ट्रजरी बिल जारी गर्न लागेको हो। यो बिल कार्तिक १ गते परिपक्व हुनेछ ।

ट्रेजरीको बोलकबोल अनलाइनमार्फत सोमबार (आज)दिउँसो ३ बजे खुला हुनेछ। सोमबार हुने बोलकबोलमा सहभागी क, ख र ग वर्गका बैंक, बैंक तथा वित्तीय संस्था, गैर–बैंक तथा वित्तीय संस्था, सङ्गठित संस्थाका साथै सर्वसाधारण नेपाली नागरिकमध्ये सर्वाधिक अङ्क कबोल गर्नेलाई बैंकले मङ्गलबार ट्रेजरी बिल जारी गर्नेछ।