काठमाडौं । अमेरिकी विदेशमन्त्री एन्टोनी ब्लिन्केनले अलकायदा प्रमुख अयमान अल जवाहिरीको हत्यापछि अहिले विश्व सुरक्षित भएको बताएका छन् । उनले ट्वीट गर्दै अफगानिस्तानबाट निस्कने आतंकवादी खतराविरुद्ध कारबाही गर्ने आफ्नो प्रतिबद्धता पूरा गरेको बताए।

“अमेरिकाले हाम्रो देश, हाम्रा जनता र हाम्रा सहयोगीहरूलाई धम्की दिनेहरू विरुद्ध कारबाही जारी राख्नेछ,” ब्लिन्केनले भने। विदेशमन्त्री एन्टोनी ब्लिन्केनले पनि तालिबानले जवाहिरीलाई शरण दिएर दोहा सम्झौताको उल्लंघन गरेको बताए।

We have delivered on our commitment to act against terrorist threats emanating from Afghanistan. The world is safer following the death of al Qa’ida leader Ayman al-Zawahiri. The U.S. will continue to act against those who threaten our country, our people, or our allies.

— Secretary Antony Blinken (@SecBlinken) August 2, 2022

अमेरिकी राष्ट्रपति जो बाइडेनले सोमबार ढिलो घोषणा गरे कि अमेरिकाले अफगानिस्तानमा कारबाही गर्दा अल कायदा प्रमुख जवाहिरीलाई मारेको थियो। अमेरिकाले सन् २०११ मा ओसामा बिन लादेनलाई पाकिस्तानमा कारबाही गर्दा मारेको थियो ।

“तालिबानले आफ्नो प्रतिबद्धता पूरा गर्न नचाहनुका बावजुद, संयुक्त राज्य अमेरिकाले अफगानिस्तानका जनतालाई सहयोग गर्न जारी राख्नेछ र विशेष गरी महिला र बालिकाहरूको अधिकारको वकालत गर्नेछ,” ब्लिन्केनले एक विज्ञप्तिमा भने।

Statement of the spokesperson of the Islamic Emirate regarding the drone attack in Kabul cityhttps://t.co/WWQC4iMo4a pic.twitter.com/hobpGFMiRl

— Zabihullah (..ذبـــــیح الله م ) (@Zabehulah_M33) August 2, 2022

अर्कोतर्फ तालिबानले विज्ञप्ति जारी गर्दै अमेरिकाको कदमको आलोचना गरेको छ । तालिबान सरकारका प्रवक्ताले यसलाई अन्तर्राष्ट्रिय सिद्धान्त र दोहा सम्झौताको स्पष्ट उल्लङ्घन भनेका छन्। प्रवक्ताले अमेरिकाको यो कार्यलाई आफ्नो स्वार्थ विपरीत भनेका छन् । तालिवानले यसलाई अफगानिस्तान र समग्र क्षेत्रको हितविरुद्धको संज्ञा दिएको छ ।