काठमाडौं । पञ्जाबी गायक सिद्धु मूसेवालाको हत्या भएको ८० दिनपछि उनका पिता बलकार सिंहले ठूलो दाबी गरेका छन् । उनले सिद्धुको हत्यामा केही गायक र राजनीतिक व्यक्तिको हात रहेको बताएका छन् । यसका साथै उनले यसबारे छिट्टै खुलासा गर्ने बताएका छन् ।

आइतबार मुसेवालाको घरमा उनका अभिभावकलाई भेट्न हजारौंको भिड लागेको थियो । सो अवसरमा स्वर्गीय गायकका बुवाले ती व्यक्तिहरुलाई सम्बोधन गर्दै आफ्नो छोराले छोटो समयमा धेरै प्रगति गरेकोले मारिएको बताए । उनले थप भने कि सिद्धुको हत्यामा केहि गायकहरू जिम्मेवार छन्, जसले सिद्धुले राम्रो गाउन् भन्ने चाहँदैनन्। तर सिद्धुलाई मार्ने यी गायकहरूले कहिल्यै प्रगति गर्दैनन्।

मूसेवालाका बुबा बलकार सिंहले एक समूहले सिद्धुको गीतको बारेमा सबैलाई भ्रमित गरेको बताए। सरकारलाई पनि झुक्याइयो । उदाहरणका लागि, सिद्धुले एउटा गीतमा भनेका थिए– ‘जो आफ्नो घरवालीलाई सम्हाल्न सक्दैनन्, उनीहरूले मलाई सल्लाह दिन्छन् ।’ यसको गलत अर्थ निकालियो ।

सिद्धुका बुबाले घरमा उपस्थित मानिसहरूलाई भने कि उनले आफ्नो छोटो करियरमा जति प्रसिद्धि पाएका थिए, कतिपय मानिसहरू चाहन्थे कि सिद्धुले जे गर्छ, उनीहरू मार्फत गरुन् । उनले भने – तर जबसम्म उनी बाँचे एक्लै बाँचे र जति जीवन मसँग छ, म यसरी नै बाँच्नेछु।

उनले भने कि जब सिद्धु क्यानडामा अध्ययन गर्न गएका थिए, केही गलत मानिसहरु उनीसँग जोडिएर फाइदा खोजिरहेका थिए । सिद्धुका बुबाले छिट्टै छोराको मृत्युका लागि जिम्मेवार सबैको नाम सार्वजनिक गर्ने बताएका छन् ।

उल्लेखनीय छ कि मे २९ मा पञ्जाबी गायक सिद्धु मूसेवालालाई पञ्जाबको मानसा जिल्लाको जवाहरके गाउँ नजिकैको क्षेत्रमा गोली हानी हत्या गरिएको थियो । ग्याङ्स्टर लरेन्स बिश्नोई र गोल्डी ब्रारमाथि यो हत्याको आरोप छ ।