काठमाडौँ। नेपाली बजारमा सुनको मूल्य घटेको छ। बुधबार सुनको मूल्य प्रति तोला ९६ हजार २०० रुपैयाँ कायम भएको छ।

मंगलबार प्रति तोला ९६ हजार ७०० रुपैयाँमा कारोबार भईरहेको सुनको मूल्य आज ५०० रुपैयाँले घटेर प्रति तोला ९६ हजार २०० रुपैयाँ कायम भएको नेपाल सुन चाँदी व्यवसायी महासंघले जनाएको छ। तेजावी सुनको मूल्य तोलाको ९५ हजार ७०० रुपैयाँ निर्धारण भएको छ ।

यता, चाँदीको मूल्य प्रति तोला १ हजार २ सय १० रुपैयाँ कायम भएको छ। चाँदीको मूल्य १० रुपैयाँले घटेको हो। मंगलबार चाँदीको मूल्य प्रति तोला १ हजार २ सय २० रुपैयाँमा कारोबार भएको थियो।