काठमाडौं । युक्रेनको जलाशयमा बनेको बाँधमा मिसाइल आक्रमण भएपछि मानिसहरू बाढीको खतरामा छन्। उनीहरुलाई सुरक्षित स्थानमा लैजान स्थानीयले माग गरेका छन् । एक वरिष्ठ क्षेत्र अधिकारीले बुधबार भने कि क्रिभि रिहका दुई जिल्लाका २२ सडक प्रभावित भएका छन्।

बाँधको दरारबाट प्रतिसेकेन्ड १०० घनमिटरको दरले पानी बगेकाले इन्हुलेट्स नदीमा पानीको सतह चिन्ताजनक रूपमा बढेको अधिकारीहरूले बताएका छन् । युक्रेनले रुसले जवाफी आक्रमणबाट विचलित भएर यो आक्रमण गरेको दाबी गरेको छ ।

युक्रेनी राष्ट्रपति भोलोडिमिर जेलेन्स्कीले रुसलाई ‘आतंकवादी देश’ भनेका छन् । जेलेन्स्कीले बुधवार अबेर भने, “कायरहरूले मात्र सर्वसाधारणलाई आक्रमण गर्छन्।”

क्रिभि रिहमा जन्मेका जेलेन्स्कीले बुधबार अबेर मानिसहरूलाई सम्बोधन गर्दै थिए। उनले भने, ‘युद्धको मैदानबाट भागेका अपराधीले टाढैबाट आक्रमण गरेर क्षति पुर्याउन खोजिरहेका छन् ।’

यस बयानमा, जेलेन्स्कीले देशको उत्तर-पूर्वी खार्किभ क्षेत्रमा हासिल गरेको सैन्य सफलतालाई संकेत गर्दै थिए। तर, युक्रेन कत्तिको सफल भयो भन्ने कुरा बीबीसीले भने पुष्टि गरेको छैन ।

जेलेन्स्कीले भने कि जलाशय “सैन्य दृष्टिकोणबाट महत्त्वपूर्ण थिएन”। पानी आपूर्ति प्रभावित भएको र ६ लाख मानिस बाढीबाट प्रभावित हुने जोखिममा रहेको अधिकारीहरूले बताएका छन् ।

यद्यपि यस कथित हमलाको बारेमा रुसबाट अहिलेसम्म कुनै प्रतिक्रिया आएको छैन।