काठमाडौं । आर्थिक समृद्धिका लागि केरलाको पथनमथिट्टा जिल्लामा दुई महिलाको बलि दिएको घटनामा प्रहरीले पत्रकार सम्मेलन गरेर धेरै महत्त्वपूर्ण कुरा सार्वजनिक गरेको छ ।

समाचार एजेन्सी एएनआईका अनुसार कोच्चिका प्रहरी आयुक्त सीएच नागराजूले दुवै महिलाको शरीरका सबै अंगहरू बरामद गरिएको बताए। पीडितको शरीरका भाग तीनवटा खाल्डोमा गाडिएको थियो ।

उनले भने, ‘आरोपीहरूले महिलाको हत्या गरी शरीरका अंगहरू खाएको हुन सक्ने आशंका छ। यसको अनुसन्धान भइरहेको छ, तर अहिलेसम्म पुष्टि भएको छैन। मुख्य अभियुक्त शफी विकृत मानसिकताका व्यक्ति हुन् । त्यस्ता घटनाहरू थप भएका छन् वा छैनन् र यस घटनामा थप व्यक्तिहरू संलग्न छन् वा छैनन् भन्ने पनि अनुसन्धान गरिरहेका छौं।

आरोपी शफीले यौन दुव्र्यवहार गरेको हो कि होइन भनेर पनि प्रहरीले अनुसन्धान गरिरहेको छ । यो मुद्दा बाहेक मुख्य अभियुक्त शफीविरुद्ध विभिन्न अपराधमा ८ वटा मुद्दा दर्ता छन् ।

There’s a possibility that the accused ate parts of body after killing the victims. It is being investigated, but not confirmed yet. Prime accused Shafi is a pervert.We’re investigating whether there are more accused and if more such cases happened: Kochi City Police Commissioner pic.twitter.com/fwUSdJJ8Gz

— ANI (@ANI) October 12, 2022

प्रहरीका अनुसार आरोपी शफीले पैसाको अभावमा समस्यामा परेका मानिसहरूलाई ट्रेस गर्न सामाजिक सञ्जाल फेसबुकको प्रयोग गर्थे। यसका लागि शफीले आफ्नी श्रीमतीको फेसबुक अकाउन्ट प्रयोग गरे जसको बारेमा उनलाई थाहा थिएन ।

शफीसँगै भगवल सिंह र लैला दम्पतीलाई पनि प्रहरीले नियन्त्रणमा लिएको छ । दम्पतीलाई मानव बलिदानमा रुचि थियो।

कोच्चिका प्रहरी आयुक्त सीएच नागराजूका अनुसार “पदममको हत्या सेप्टेम्बरको अन्तिम सातामा भएको थियो। जबकि अर्की महिलाको जुनमा हत्या गरिएको थियो। यी तीनै पुरुषले दुवै महिलाको निर्ममतापूर्वक हत्या गरी शव आफ्नै घरमा लगेका थिए। आरोपितहरूले स्वीकार गरेका छन्। उनीहरुको अपराध र हामीले उनीहरुको बयानको पुष्टि पनि गरेका छौं ।”