काठमाडौं । एक अमेरिकी नागरिक सीमा पार गरी उत्तर कोरिया प्रवेश गरेका छन् । तर, उनलाई त्यहीँ हिरासतमा राखिएको छ ।

उत्तर कोरिया र दक्षिण कोरियाबीच दुई देशलाई छुट्याउने एउटा गैरसैनिक क्षेत्र छ।

डिमिलिटराइज्ड जोन र संयुक्त सुरक्षा क्षेत्रको निरीक्षण गर्ने राष्ट्रसंघीय कमाण्डले उक्त व्यक्तिलाई सीमा पार गर्ने अनुमति नरहेको बताएको छ ।

“हामीलाई विश्वास छ कि उनी उत्तर कोरियाको हिरासतमा छन् र हामी यो घटना समाधान गर्न केपीएसँग वार्तामा छौं,” संयुक्त राष्ट्र संघले भन्यो।

केपीएको पूरा नाम कोरियाली जन सेना हो। यो उत्तर कोरियाको सेना हो।

डिमिलिटराइज्ड जोन ल्यान्डमाइन, बिजुलीका तार र निगरानी क्यामेराले भरिएको छ।

उत्तर कोरियाबाट हरेक वर्ष हजारौं मानिसहरू गरिबी र अनिकालबाट भागेर अन्य देशहरूमा पुग्न प्रयास गर्छन्, तर तिनीहरूमध्ये यो क्षेत्र पार गर्न सक्ने दुर्लभ छन्।

दक्षिण कोरियाले २०१७ मा एक उत्तर कोरियाली सैनिकले क्षेत्र पार गर्ने प्रयास गरेको बताएको थियो। उनको शरीरमा ४० वटा गोलीको निशान थियो तर उनी बाँचे ।