काठमाडौं । इरानमा भाइरल भएको सेक्स टेपका कारण ‘इस्लामिक मूल्यमान्यतालाई बढावा दिने’ एक अधिकारीलाई निलम्बन गरिएको छ।

एक भाइरल भिडियोमा इरानको गिलान प्रान्तका संस्कृति तथा इस्लामिक निर्देशन प्रमुख रेजा त्साघाटीले अर्का पुरुषसँग यौनसम्पर्क गरेको देखाइएको छ।

यद्यपि उनको पहिचान र भिडियोको प्रामाणिकता भने पुष्टि भएको छैन। यो भिडियो रेडियो गिलान नामक सरकार विरोधी टेलिग्राम च्यानलले अपलोड गरेको हो ।

च्यानलका प्रधान सम्पादक पेमन बेहबौदीले च्यानलले “सरकारी अधिकारीहरू बीचको भ्रष्टाचार” लाई पर्दाफास गरिरहने बताए।

शनिबार, इरानका संस्कृति मन्त्री मोहम्मद मेहदी इस्माइलीले भने कि भिडियो पोस्ट गर्नु अघि रेजा त्साघाटीसँग सम्बन्धित कुनै नकारात्मक रिपोर्टहरू थिएनन्।

शरियामा आधारित इरानी कानून अनुसार समलिङ्गी सम्बन्धलाई अपराध मानिन्छ। यसको अधिकतम सजाय मृत्युदण्ड हो।