काठमाडौं । आइसीसी च्याम्पियन्स ट्रफी २०२५ मा भारत र पाकिस्तानबीचको खेलको टिकट केही मिनेटमै बिक्री भएर सकिएको छ । हाइब्रिड मोडेलमा आयोजना भइरहेको प्रतियोगितामा भारत र पाकिस्तानबीचको खेल फेब्रुअरी २३ मा दुबईमा हुँदैछ।

टाइम्स अफ इन्डियाको रिपोर्ट अनुसार यो हाई-भोल्टेज खेलको टिकट बिक्री सोमबार साँझ ५:३० बजेदेखि सुरु भएको थियो। टिकटको सबैभन्दा कम मूल्य १२५ दिराम अर्थात् नेपाली मुद्रामा ४७२० रुपैयाँ थियो। प्रिमियम लाउन्जको मूल्य ५००० दिराम थियो जुन भारतीय मुद्रामा १ लाख ८८ हजार रुपैयाँ बराबर हो। यद्यपि, यो दावीलाई आईसीसीले अहिलेसम्म पुष्टि वा अस्वीकार गरेको छैन।

समाचार एजेन्सी आईएएनएसका अनुसार दुबई निवासी सुधाश्रीले भनिन्, ‘मलाई थाहा थियो कि टिकटको लागि कुर्नु पर्नेछ, तर टिकट बिक्री भइरहेको गति अचम्मलाग्दो थियो। जब म टिकट किन्न गएँ, केवल २ श्रेणीहरू बाँकी थिए। जुन मेरो बजेटभन्दा बाहिर थियो।’

पाकिस्तान टोली प्रतियोगिताको डिफेन्डिङ च्याम्पियन हो। २०१७ को च्याम्पियन्स ट्रफीमा पाकिस्तानले फाइनलमा भारतलाई हराउँदै उपाधि जितेको थियो।

यस प्रतियोगिताको समूह ए मा भारत, पाकिस्तान, बंगलादेश र न्युजिल्याण्डका टोलीहरू छन्। जबकि समूह बी मा अष्ट्रेलिया, दक्षिण अफ्रिका, इङ्गल्याण्ड र अफगानिस्तानका टोलीहरू छन्।

सबै टोलीले समूहमा ३-३ लिग खेल खेल्नेछन् र शीर्ष ४ टोली सेमिफाइनलमा पुग्नेछन्। यदि भारतीय टोली सेमिफाइनल वा फाइनलमा पुग्यो भने खेलहरू दुबईमा आयोजना गरिनेछ।