काठमाडाैं। प्रतिनिधि सभाका सदस्य एकनाथ ढकालले मित्र राष्ट्र मालदिभ्सको सभामुख अब्दुल रहीम अब्दुल्लासँग शिष्टाचार भेट गरेका छन्।

बिहीबार मालदिभ्सको संसद भवनमा भएको भेटमा द्विपक्षीय हित, संसदीय आदानप्रदान अभिबृद्धि र क्षेत्रीय स्तरमा सहकार्य गर्ने बारे छलफल भएको ढकालको सचिवालयले जनाएको छ।

सांसद ढकालले नेपालका सभामुख देबराज घिमिरेको तर्फवाट मालदिभ्सका सभामुख अब्दुल रहीम अब्दुल्लालाइ शुभकामना दिँदै सार्क मुलुकका सभामुख र सांसदहरु बीचको आदानप्रदान बढाउनु पर्ने धारणा राखे।

सभामुख अब्दुल रहीम अब्दुल्लाले नेपाल र मालदिभ्स असल मित्रराष्ट्र रहेको बताए। पूर्व मन्त्रीसमेत रहेका ढकाल मालदिम्भको २ दिने मैत्रीपूर्ण भ्रमणमा छन्। ढकाल प्रतिनिधि सभाको अन्तराष्ट्रिय सम्बन्ध तथा पर्यटन समिति सदस्य हुन्। नेपाल र मालद्वीप बीच सन् १९८० मा कुटनैतिक सम्बन्ध स्थापना भएको हो।