काठमाडाैं। सुनकोशी मरिन डाइभर्सन बहुप्रतीक्षित राष्ट्रिय गौरवको आयोजना हो, जुन जलस्रोतको उपयोगमार्फत सिन्धुली, धनुषा, महोत्तरी लगायत मधेसका कृषियोग्य जमिनहरूमा सिंचाइ सुविधा पुर्‍याउने उद्देश्यले निर्माण हुँदैछ।

यही आयोजना अन्तर्गत पर्ने खुर्कोट खण्ड हाल तीव्र गतिमा निर्माणाधीन अवस्थामा रहेको छ। खुर्कोट खण्डमा सुरुङ खन्ने, सिविल संरचना बनाउने, पाइपलाइन बिछ्याउने लगायतका कार्यहरू जारी छन्।

आयोजनाको सुरुङ मार्ग निर्माणका लागि आधुनिक प्रविधिहरूको प्रयोग गरिएको छ। निर्माण स्थलमा कामदारहरू व्यस्त देखिन्छन् भने भारी मेसिनहरूले दिनरात काम गरिरहेको वातावरण छ।