काठमाडौं । पूर्वमन्त्री आनन्द पोखरेलले नेपाललाई परिणाममुखि योजनाको आवश्यकता भएको बताएका छन्।

शुक्रबार काठमाडौंमा आयोजित तामाकोशी–३ पिआरओआर जलविद्युत परियोजना (३९७.४० मेगावाट) सम्बन्धी छलफल कार्यक्रममा उनले नेपाल विजुलीमा आत्मनिर्भर बनाउने र इन्धनको विकल्पमा विद्युतलाई प्रयोग गर्ने हो भने परिणाममुखि योजनाको आवश्यकता भएको बताए।

उनले भने, ‘अब नेपाललाई के चाहिएको छ भने परिणाममुखि योजना चाहिएको छ। यदि नेपाल विजुलीमा आत्मनिर्भर बनाउने हो भने र इन्धनको विकल्पमा विद्युतलाई प्रयोग गर्ने हो भने हामीलाई परिणाममुखि योजना चाहिन्छ।’

यस्तै, उनले तामाकोशी जलविद्युत परियोजनाले नेपालको अर्थतन्त्रलाई कति योगदान गरेको छ भन्ने कुरामा पनि सबैको ध्यान जानुपर्ने बताए।

सोही क्रममा पूर्वमन्त्री पार्वत गुरुङ्ले तामाकोशी बहुआयामिक प्रोजेक्ट भएको भन्दै यसले दोलखा पर्यटकको हब बनाउनुको साथै लाखौं मान्छेलाई रोजगारी पनि दिने बताए।