काठमाडौं। ला लिगा सान्ट्यान्डरमा यो सिजन खेलिएका ४ खेलमा बार्सिलोनाका २ फरक अनुहार देखिएका छन् । बार्सिलोनाले आफ्नो घरमा खेलिएको खेलमा उत्कृष्ट प्रदर्शन गरेको छ तर अवे खेलमा भने निकै निरीह देखिएको छ । बार्सिलोनाको स्थिति नेपाली उखान ‘घरको बाघ वनको स्याल’ भनेजस्तै देखिएको छ ।

ला लिगाको पहिलो खेलमा एथ्लेटिको बिल्बाओविरुद्ध उसैको घरमा खेल्दा अर्नेष्टो भालभर्देले कार्लेस एलेना, फ्रेंकी डि जोङ र सर्जि रोबर्टोलाई मिडफिल्डमा उतारे । खेलमा र्बािलोनाका खेलाडीहरु एक अर्कासँग तालमेल नमिलेका देखिए र अन्ततः अर्टिज अडुरिजले गोल गरेपछि बार्सिलोना पराजित भयो ।

एक हप्तापछि रियल बेटिस खेल्नको लागि बार्सिलोना गयो । जुन खेलमा एन्टोइन ग्रिजम्यानले आफ्नो नयाँ क्लवको लागि पहिलो गोल गरे । साथमा एकेडेमीका उत्पादनहरु कार्लेस पेरेज र अंशु फाटीले सबै चर्चा बटुले । अर्को हप्ता बार्सिलोना ओसासुनासँग खेल्न एल साडार गयो । ओसासुना अघिल्लो सिजनको प्रदर्शनको आधारमा तल्लो लिगबाट यही सिजन ला लिगामा प्रमोसन भएको थियो । अघिल्लो सिजनको ला लिगा विजेता बार्सिलोनाले यसै सिजन ला लिगामा स्थान बनाउन सकेको ओसासुनालाई समेत जित्न सकेन । उसले २–२ को बराबरी खेल्यो ।

यो खेलमा फाटीले मुख्य केन्द्रमा थिए । १६ वर्षे यी खेलाडीले शनिबार भएको भ्यालेन्सियाविरुद्धको खेलमापनि उनले टिमको लागि पहिलो गोल गरे । उनले अर्को गोलको लागि डि जोङलाई असिस्ट पनि गरे । बार्सिलोनाको घरमा बलियो तर अवे खेलमा निरीह अवस्थाले उसको लागि चुनौती थपिएको छ । बुधबार बार्सिलोना च्याम्पियन्स लिगको पहिलो खेलमा बोरुसिया डर्टमण्डसँग खेल्न उसकै घरमा जाँदैछ त्यसपछि ला लिगामा ग्रानाडासँग खेल्न उसकै घरमा जाँदैछ । यी खेलमा यही फर्म दोहोरिएमा बार्सिलोना समस्यामा पर्न सक्छ ।