काठमाडौं । इरानको समाचार एजेन्सी तस्निमले सुरुवाती रिपोर्टहरूलाई उद्धृत गर्दै केसम द्वीपमा दुईवटा मिसाइलहरू खसेको जनाएको छ।

इरानको सरकारी समाचार एजेन्सी इरनाले पनि स्थानीय मानिसहरूलाई उद्धृत गर्दै एक विमानको आवाज सुनिएपछि द्वीपको सोजा क्षेत्रमा दुईवटा प्रोजेक्टाइल (प्रक्षेप्यास्त्र) खसेको बताएको छ।

तस्निमका अनुसार, अहिलेसम्म यी घटनाहरूमा भएको सम्भावित क्षतिको बारेमा कुनै आधिकारिक जानकारी जारी गरिएको छैन।

यसैबीच, समाचार एजेन्सी रोयटर्सले इरानी सरकारी मिडियालाई उद्धृत गर्दै खबर दिएको छ कि इरानको सेनाले केसम द्वीपमाथि एक अमेरिकी एमक्यु-९ ड्रोन खसालेको दाबी गरेको छ।

यद्यपि, अहिलेसम्म यो ड्रोन खसालिएको कुराको स्वतन्त्र रूपमा पुष्टि भएको छैन।

ड्रोन खसालिएको र कसम द्वीपमा मिसाइलहरू खसेको घटनाहरूबीच कुनै सम्बन्ध छ कि छैन भन्ने कुरा पनि अझै स्पष्ट भएको छैन।