काठमाडौं। नेपाली बजारमा आज सुनचाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा दुई हजार ५०० रुपैयाँले घटेको छ।

आज छापावाला सुनको मूल्य प्रतितोला दुई लाख ८३ हजार ५०० रुपैयाँमा किनबेच भइरहेको छ । यसअघि आइतबार छापावाला सुन प्रतितोला दुई लाख ८६ हजार रुपैयाँमा कारोबार भएको थियो।

आज चाँदीको मूल्यमा पनि सामान्य गिरावट देखिएको छ। आइतबार प्रतितोला चार हजार ७२० रुपैयाँमा कारोबार भएको चाँदी आज २० रुपैयाँले घटेर चार हजार ७०० रुपैयाँका किनबेच भइरहेको महासंघले जनाएको छ।