काठमाडौं। नेप्सेमा आज दोहोरो अंकको गिरावट आएको छ। आज विहिबार नेप्से १३.८२ अंकले घटेर २६५४.१५ विन्दुमा पुगेर रोकिएको छ।

आज ३४७ कम्पनिका एक करोड ८ लाख ४ हजार ४२६ कित्ता शेयर ४ अर्ब ६२ करोड २७ लाख ७७ हजार ४४२ मा कारोबार भएको थियो। आज ट्रेडिङ बाहेक सबै क्षेत्रको शेयर मुल्य घटेको छ।

आज, सबैभन्दा बढी अपार लोहोरे खोला हाइड्रोको शेयरमा सकारात्मक सर्किट लागेको छ कलंगा हाइड्रोको शेयर ४.६२ प्रतिशतले बढेको छ। त्यस्तै आज सबै भन्दा बढी एलएस होराइजन १२ को शेयर ६.५ प्रतिशतले घटेको छ।

त्यस्तै आज सबै भन्दा बढी रिडी पावरको ४७ करोड २४ लाख बराबरको कारोबार भएको छ भने अन्खु खोला जलविद्युतको २६ करोड ५९ लाख बराबरको कारोबार भएको छ।