काठमाडाैं। जापानको नागोया र आइचीमा भइरहेको २०औँ एसियाली खेलकुद (एसियाड) मा नेपालले आफ्नो पहिलो पदक हासिल गरेको छ।

नेपाली कराते खेलाडी तेन्जिङ शेर्पाले पुरुष कुमाइट ८४ किलोभन्दा माथिको तौल समूहमा ऐतिहासिक कांस्य पदक जितेका हुन्।

जापानको तोयोहाशी जिम्नेसियममा सम्पन्न प्रतिस्पर्धामा सेमिफाइनल खेलमा इरानका मोहाम्मद नेमाटीसँग ०-५ ले पराजित भएपछि तेन्जिङ रिपिचेज (कांस्य पदक) भिडन्तमा प्रवेश गरेका थिए।

कांस्य पदकका लागि भएको निर्णायक खेलमा तेन्जिङले उत्कृष्ट प्रदर्शन गर्दै लाओसका वाथाना जायासानलाई ९-१ को फराकिलो अंक अन्तरले पराजित गरी नेपाललाई जारी एसियाडमा पहिलो पदक दिलाए।

यसअघि नेपाली कराते टोलीका अन्य ७ वटा इभेन्टमा खेलाडीहरू पदकबाट विमुख भएपछि तेन्जिङ नेपालका लागि अन्तिम आशा बनेका थिए। उनको यो जितसँगै एसियाली खेलकुदको इतिहासमा नेपालको पदक सङ्ख्या २७ पुगेको छ।