आजको ग्रहगोचर र पञ्चाङ्गअनुसार मेषदेखि मीनसम्मका बाह्रै राशिको फल यसप्रकार रहेको छ:

मेष: आज सञ्चित धन खर्च हुने योग रहेकाले खर्च कटौती गर्नुपर्ने समय छ। शिक्षामा गरेको लगानीबाट भविष्य उज्यालो बन्नेछ। स्वास्थ्यमा केही समस्या देखिन सक्छ भने विदेशमा गरिएको लगानीबाट भने फाइदा हुनेछ।

वृष: तपाईंको राशिमा चन्द्रमाको गोचर भएकाले सोचेका कामहरू बन्नेछन्। मन शान्त र खुसी रहनेछ भने स्वास्थ्यमा सुधार हुनेछ। राज्यको तर्फबाट विशेष अवसर मिल्नुका साथै प्रेम सम्बन्ध सुमधुर बन्ने योग छ।

मिथुन: आफ्नै बोलीका कारण अप्ठेरो परिस्थिति सिर्जना हुन सक्ने भएकाले बोल्दा विशेष सचेत बन्नुपर्नेछ। स्वास्थ्यप्रति लापरवाही गर्दा समस्या हुन सक्छ। आज दक्षिण दिशाको लामो यात्रा नगर्नु नै बेस हुन्छ।

कर्कट: शिक्षाको क्षेत्रमा नयाँ अवसरहरू प्राप्त हुनेछन् र गरिएको लगानीबाट फाइदा मिल्नेछ। परिवारको सल्लाह नलिई अगाडि बढेमा व्यवहारमा कठिनाइ आउन सक्छ। धार्मिक अभियन्तासँगको भेटले नयाँ योजना बनाउन प्रेरणा मिल्नेछ।

सिंह: मनमा अनावश्यक तनाव बढ्न सक्नेछ। आज कम बोल्नु नै हितकर हुनेछ। अध्ययनमा समय दिन सके दिन सहज बन्नेछ। उपचारको क्रममा रहेकाहरूलाई स्वास्थ्यमा सुधार हुनेछ भने दान गरेर दिनको सुरुवात गर्नु उचित हुन्छ।

कन्या: दिन समग्रमा अनुकूल रहनेछ। परिवारसँग बसेर रमाइलो पल बिताउने अवसर मिल्नेछ। शिक्षामा थोरै लगानी गरे पनि राम्रो फाइदा हुनेछ। विपक्षी साथीले समेत तपाईंको प्रशंसा गर्नेछन्, यद्यपि परिवारको विवाद मिलाउन भने केही समय संघर्ष गर्नुपर्नेछ।

तुला: परिवारको पूर्ण साथ र सहयोग प्राप्त हुनेछ। प्रेम सम्बन्ध सुमधुर बन्नेछ भने शिक्षामा गरिएको लगानी सफल हुनेछ। विपक्षी साथीले समेत साथ दिने भएकाले कुनै पनि नयाँ कामका लागि हिम्मत गर्नु लाभदायक हुनेछ।

वृश्चिक: दिन राम्रो छ। आफू पछाडि हटेर अरूलाई अगाडि बढਾएर गराइएका काममा समेत सफलता मिल्नेछ। उपचाररत व्यक्तिको स्वास्थ्यमा सुधार हुनेछ। आज उत्तर दिशाको लामो यात्रा नगर्नु उचित हुन्छ।

धनु: दिन सामान्य फलदायी रहनेछ। शत्रु पक्ष सक्रिय हुन सक्ने भएकाले सचेत हुनुपर्छ। शिक्षामा गरिएको लगानीबाट फाइदा हुनेछ। परिवारको तर्फबाट साथ र सहयोग प्राप्त हुनुका साथै प्रेम सम्बन्ध प्रगाढ बन्नेछ।

मकर: सञ्चित धन खर्च हुने योग छ। दाजुभाइ वा सहकर्मीहरूसँग सहकार्य गरेर अगाडि बढ्नुपर्ने समय रहेको छ। राजनीतिक क्षेत्रमा ठग तथा अवसरवादीहरू सक्रिय हुन सक्ने भएकाले सचेत बन्नुहोला।

कुम्भ: शुभग्रहको बलियो प्रभाव रहेकाले महत्त्वपूर्ण कामहरू बन्नेछन्। कुनै पनि काम गर्दा सामूहिक रूपमा गर्नु उचित हुनेछ। शुभचिन्तकसँगको सल्लाहमा गरिएका निर्णय सफल हुनेछन्। सानो कुराले मनमा तनाव उत्पन्न भए पनि धार्मिक कार्यमा सहभागी हुँदा दिन सहज बन्नेछ।

मीन: आज धनलक्ष्मी योग परेकाले सम्पत्तिको सदुपयोग गर्नु उचित हुनेछ। साथीभाइले विरोध गर्न सक्ने भएकाले कम बोलेर अगाडि बढ्नुपर्छ। अनुत्पादक क्षेत्रको खर्च कटौती गर्ने समय हो। परिवारको साथ र सहयोगले दिनलाई सहज बनाउनेछ।