धनुषा । जनकपुरमा प्रधानमन्त्री केपी शर्मा ओलीको पुत्ला दहन गर्ने प्रधानमन्त्रीको पुत्ला दहन गर्ने नेविसंघका ६ जना पक्राउ परेका छन्।

सोमबार साँझ जनकपुरको रामानन्दचोकमा प्रधानमन्त्री ओलीको पुत्ला दहन गर्ने क्रममा प्रहरीले उनीहरुलाई पक्राउ गरेको हो।

नेविसंघका जिल्ला सभापति सुजित मिश्र सहित ६ जनालाई नेपाल प्रहरी धनुषाले पक्राउ गरेको हो। त्यस्तै भरत साह, नवनित झा, सुनिल सुमन, घनश्याम झा र नवीन यादवलाई पक्राउ गरेको प्रहरीले जनाएको छ।

काभ्रेको मण्डन देउपुर नगरपालिका तपेश्वर उच्च माविका नेविसंघ इकाई सभापति कृष्ण ढकालको रिहा गर्न नेविसंघले देशव्यापी रुपमा प्रधानमन्त्रीको पुत्ला दहन गरेको थियो।