काठमाडौं। सेक्युरिटी प्रिन्टिङ प्रेस खरिदमा कमिसन मागेको आरोप लागेका निवर्तमान सञ्चार तथा सूचना प्रविधि मन्त्री गोकुल बास्कोटाले जिल्ला अदालत काठमाडौंमा मुद्दा हालेका छन् । आरोप लागेसँगै पदबाट राजीनामा दिएका बास्कोटाले अडियो सार्वजनिक गर्ने विजयप्रकाश मिश्रविरुद्ध झुटो लान्छना लगाएको र गाली बेइज्जती गरेको आरोप लगाउँदै मुद्दा हालेका हुन् ।

म विरुद्ध लगाइएको झुट्टा लाञ्छना र गालिबेइज्ज्तीको विरूद्धमा मैले आज आफ्ना प्रतिनिधिमार्फत जिल्ला अदालत, काठमाडौंमा न्याय माग गदै मुद्दा दायर गरेको जानकारी सबैमा गराउँदछु । धन्यवाद ।

— Gokul Prasad Baskota (@GokulPBaskota) February 28, 2020

शुक्रबार उनले आफ्ना प्रतिनिधिमार्फत् मुद्दा हालेका हुन्। उनले आफूले मुद्दा हालेको ट्वीटरमार्फत जानकारी दिएका छन् । उनले ट्वीटरमा लेखेका छन् ‘मविरूद्ध लगाइएको झुठा लान्छना र गालिबेइज्जतीको विरूद्धमा मैले आज आफ्ना प्रतिनिधिमार्फत जिल्ला अदालत, काठमाडौंमा न्याय माग गदै मुद्दा दायर गरेको जानकारी सबैमा गराउँदछु ।’