काठमाडौँ । कम्पनी रजिष्टारको कार्यालय त्रिपुरेश्वर काठमाडौंमा कार्यरत दुई जना कर्मचारी सेवाग्राहीसँग घुस रकम लिँदा लिँदै पक्राउ परेका छन ।

अख्तियार दुरुपयोग अनुसन्धान आयोग (अदुअआ) को टोलीले कम्पनी रजिष्टारको कार्यालय त्रिपुरेश्वर काठमाडौंमा कार्यरत नायब सुब्बा डोर प्रसाद पन्थी र लेखापरीक्षक रामचन्द्र श्रेष्ठलाई घुस लिँदालिँदै पक्राउ गरेको हो ।

नासु डोर प्रसाद पन्थी र लेखापरीक्षक रामचन्द्र श्रेष्ठ रु ५ हजार घुस रकमसहित फागुन २८ गते पक्राउ परेका हुन् । पक्राउ परेका उनीहरुबारे थप अनुसन्धान भईरहेको अख्तियार स्रोतले जनाएको छ।

अख्तियारका अनुसार, उनीहरुले अभिलेख अध्यावधिक गर्ने प्रयोजनका लागि आएका सेवाग्राहीसँग काम सहज गरिदिए बापत घुस लिएका थिए।