माधव नेपालकाे स्पष्टाेक्ति : ओलीसँग कुनै सहमति भएकाे छैन
काठमाडौं। एमाले वरिष्ठ नेता माधव नेपालले प्रधानमन्त्रीसमेत रहेका अध्यक्ष केपी शर्मा ओलीसँग कुनै सहमति नभएको दाबी गरेका छन्। शुक्रबार सामाजिक संजाल फेसबुकमा स्टाटस लेख्दै नेपालले उनले सिद्धान्तनिष्ठ, क्रान्तिकारी, नीति र विधिको आधारमा चल्ने सदृढ र एकतावद्ध एमाले बनाउन चाहेको र त्यसका लगि वार्ता र लचता दुव अपनाउन तयार भएपनि हालसम्म कुनै सहमति नभएको दाबी गरेका हुन्।
बिहीबार राति राष्ट्रपति विद्यादेवी भण्डारीलाई साक्षी राखेर प्रधानमन्त्रीसमेत रहेका अध्यक्ष ओली र नेपालबीच विवाद नबढाउने सहमति भएको थियो। तर नेता नेपालले भने ओलीसँग कुनै सहमति नभएको दाबी गरेका छन्।
नेपालले लेखेका छन्, ‘हामी सिद्धान्तनिष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहन्छौं किनकी यो हामीले निर्माण गरेको पार्टी हो । यसका लागि वार्ता र लचकता दुवै अपनाउछौं, तर अहिले सम्म कुनै सहमति भएको छैन । २०७७ फागुन २८ गते र तत्पश्चात बसेका कथित बैठकहरू र त्यसले गरेका निर्णयहरू फिर्ता लिनु पर्छ र २०७५ जेष्ठ २ गतेको कमिटी, विधान र नेतृत्व नै हाम्रो बटम लाइन हो । यस सम्बन्धमा कुनै किसिमको भ्रममा नपर्न , नअल्मलिन र सुदृढ र सशक्त पार्टी बनाउने महान अभियानमा लागिरहन आह्वान गर्दछौं।’
हामी सिद्धान्तनिष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहन्छौं किनकी यो हामीले निर्माण…
Posted by माधव कुमार नेपाल – Madhav Kumar Nepal on Thursday, 6 May 2021
>
Facebook Comment