काठमाडौं। माधव कुमार नेपाल नेतृत्वको नेकपा एकीकृत समाजवादी पार्टीको गण्डकी प्रदेश अध्यक्षको जिम्मेवारी तुलबहादुर गुरुङले पाएका छन्।
प्रदेश ईन्चार्ज  केशवलाल श्रेष्ठको प्रमुख अतिथ्यथामा  भएको बैठकले अध्यक्षमा गुरुङलाई चयन गरेको हो।गुरुङको अध्यक्षतामा १ सय ३५ सदस्यीय प्रदेश कमिटी निर्माण गरिएको हो।

प्रदेश कमिटीको सचिवमा प्रतापलाल श्रेष्ठ, उपसचिवमा श्रीनाथ बराल रहेका छन् । कमिटीमा उपाध्यक्ष र महिला उप सचिव पद खालि राखिएको छ।
गुरुङ विद्यार्थी राजनीतिबाट उदाएका नेता हुन्।उनी पूर्वमन्त्री तथा अनेरास्ववियुको पूर्व अध्यक्ष समेत हुन्।