काठमाडौं । नेपाली कांग्रेसले थप आठ जिल्लाको क्रियाशील सदस्यता विवाद समाधान गरेको छ। वडा अधिवेशन सुभारम्भ नभएका २१ जिल्ला मध्ये ८ जिल्लाको सदस्यता सूची केन्द्रीय निर्वाचन समितिले आज सार्वजनिक गर्ने तयारी गरेको छ।

मंगलबार विवाद समाधान गरी निर्वाचन समितिमा बुझाइएको क्रियाशील सदस्यता सूचीमा बाजुरा, कैलाली, बर्दिया, काभ्रेपलाञ्चोक, सिन्धुपाल्चोक, मोरङ, महोत्तरी र पर्सा जिल्ला रहेका छन्।

भदौमा अधिवेशन हुन नसकेका वडाहरुमा असोज ५ गते गरिने भएको छ। यस अघि ५६ जिल्लामा वडा अधिवेशन सम्पन्न भइरहेको छ। तर, डडेलधुरामा भने धाँधली भएको भन्दै पौडेल समूहले पुनः निर्वाचन गर्न माग गर्दै आएको छ।