काठमाडौं । पछिल्लो २४ घण्टामा थप ६६६ जनामा कोरोना भाइरससङ्क्रमण पुष्टी भएको छ । ९ हजार ७७१ जनामा पीसीआर परीक्षण गरिएकोमा ५६९ जनामा र २ हजार २४९ जनामा एन्टीजेन परीक्षण गरिएकोमा ९७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा ६२२ जना कोरोना मुक्त भएका छन्। यसैगरी, पछिल्लो २४ घण्टामा ११ जना सङ्क्रमितको मृत्यु भएको छ । हाल देशभर १० हजार २९६ जना सक्रिय सङ्क्रमित रहेको स्वास्थ्य मन्त्रालयले जनाएको छ । स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९७.३ प्रतिशत रहेको जनाएको छ ।