सिभिल बैंकको ३० लाख कित्ता ऋणपत्रमा आवेदन दिने म्याद लम्बियो
काठमाडौं। सिभिल बैंकको ३० लाख कित्ता ऋणपत्रमा आवेदन दिने म्याद थप गरेको छ।। बैंकले मंसिर २४ गतेदेखि बिक्री खुल्ला गरेको ऋणपत्र निर्धारित समयमा बिक्री नभएपछि समय थपेर पुस ९ गतेसम्म पुर्याइएको हो ।
बैंकले प्रति कित्ता १ हजार रुपैयाँ दरमा ३० लाख कित्ता ऋणपत्र बिक्री खुल्ला गरेको हो । बैंकले बिक्रि खुल्ला गरेको ऋणपत्रमध्ये ६० हजार कित्ता म्युचुअल फन्डहरुलाई र ११ लाख ४० हजार कित्ता सेयरमा सर्वसाधारणको लागि छुट्याइएको छ भने भने बाँकी १८ लाख कित्ता सेयर प्राइभेट प्लेसमेन्टमार्फत बिक्री गर्ने बैंकले जनाएको छ ।
बैंकले वार्षिक १०.२५ प्रतिशत ब्याजदरमा १० वर्ष अवधिको ‘सिभिल बैंक डिबेन्चर २०८८’ जारी गरेको हो । यसमा न्यूनतम २५ कित्तादेखि अधिकतम सबै कित्ताका लागि आवेदन दिन सकिनेछ । बैंकले तोकेको मिति अवधिभित्र सबै कित्ता बिक्री नभएमा भने पुस ९ गतेसम्म यस ऋणपत्रमा आवेदन दिन सक्ने छन् ।
यस ऋणपत्रमा निष्कासन तथा बिक्री प्रबन्धकको काम लक्ष्मी क्यापिटल मार्केटले गर्ने भएको छ । लगानीकर्ताले धितोपत्र बोर्डबाट आस्वा अनुमति लिएका सम्पूर्ण बैंक तथा वित्तीय संस्था तथा मेरो सेयरबाट आवेदन दिन सक्नेछन् ।
Facebook Comment