लता मंगेशकरलाई कोरोनासँगै निमोनियाको पनि संक्रमण, अहिले कस्तो छ अवस्था ?
काठमाडौं। प्रसिद्ध भारतीय गायिका लता मंगेशकरलाई अहिले पनि आइसीयूमा राखिएको छ । कैयौं नेपाली गीतमा पनि स्वर दिएकी र भारत रत्न सम्मानबाट सम्मानित गायिकालाई हिजो मुम्बइको ब्रिच क्याण्डी अस्पतालमा भर्ना गरिएको थियो ।
समाचार एजेन्सी एएनआइसँग ब्रिच क्याण्डी अस्पतालका डाक्टर प्रतीत समधानीले बताएअनुसार लता मंगेशकरलाई कोभिडको साथमा निमोनियाको पनि संक्रमण भएको छ । डा. समधानीका अनुसार लतालाई अझै १०–१२ दिन अस्पतालमा डाक्टरको निगरानीमा राखिनेछ ।
“Singer Lata Mangeshkar continues to be in the ICU ward. She will be under observation for 10-12 days. Along with COVID, she is also suffering from pneumonia,” says Dr Pratit Samdhani, who is treating her at Mumbai’s Breach Candy Hospital pic.twitter.com/Z0e3KUip4g
— ANI (@ANI) January 12, 2022
९२ वर्षकी लतालाई हिजो कोभिड संक्रमण पुष्टि भएपछि मुम्बइको ब्रिच क्याण्डी अस्पतालमा भर्ना गरिएको थियो । उनकी भतिजी रचनाले समाचार एजेन्सी पीटीआइसँग बताएअनुसार लताको अधिक उमेरलाई मध्यनजर गर्दै पूर्वसावधानीको रुपमा उनलाई आइसीयूमा राखिएको छ ।
रचनाले शुभचिन्तकहरुसँग लता दिदीका लागि प्रार्थना गर्न अपिल गरेकी थिइन् । डाक्टरअरुका अनुसार उनको अधिक उमेरका कारण उनलाई ठिक हुन अरुलाई भन्दा बढी समय लाग्न सक्छ । लताका प्रशंशक भारमा मात्र नभएर भारतभन्दा बाहिर पनि लाखौंको संख्यामा छन् ।
Facebook Comment