काठमाडौं । पाकिस्तानका पूर्वप्रधानमन्त्री इमरान खानकी तेस्रो पत्नी बुशरा बीबी फेरि चर्चामा छिन् । यसपटक उनको एउटा अडियो सामाजिक सञ्जालमा सार्वजनिक भएको छ । यसमा उनले इमरान खानको पार्टी पीटीआईका सामाजिक सञ्जाल विंग प्रमुख डा. अरसलान खालिदलाई ‘देशद्रोह’को न्यारेटिभ फैलाउन निर्देशन दिएको कथित रूपमा सुनिएको छ।

दुई मिनेटको यो अडियो शनिबार राति सार्वजनिक भएको हो । यसमा बुशरा बीबीले डा. अर्सलान खालिद निष्क्रिय भएकोमा पहिले असन्तुष्टि व्यक्त गरिन् । त्यसपछि पीटीआईको सामाजिक सञ्जाल विंग आजकल बढी सक्रिय हुनुपर्ने बताइन् । जब डा. अर्सलानले ‘निष्क्रिय’ हुनुको कारण बताउन थाल्छन्, बुशराले उमलाई रोक्छिन् र ध्यान दिएर सुन्न आग्रह गर्छिन्।

मिडिया रिपोर्टका अनुसार बुशरा बीबीले थप भनिन्- ‘अलीम खान र सबै मानिसहरूले मेरो, इमरान खान र मेरो साथी फराह खानको बारेमा बयानबाजी गर्छन्।’ उनले अर्सलानलाई त्यस्ता व्यक्तिहरूका लागि ‘राजद्रोह न्यारेटिभ’ सेट गर्न आग्रह गरिन्।

बुशरा भन्छिन्- ‘अलीम खान एण्ड कम्पनीले आफ्नो योजना अनुसार बोलिरहनेछ। तपाईंले तिनीहरूलाई देशद्रोहसँग जोड्नु पर्छ। तपाईंले सामाजिक सञ्जालमा धम्की पत्रको मुद्दा उठाउनु पर्छ र हामीलाई थाहा छ कि पत्र विश्वसनीय छ।’

अडियो क्लिपमा, बुशराले कथित रूपमा पीटीआई सोशल मिडिया प्रमुखलाई पीटीआई छोड्नेहरूले आफूलाई बचाउन विदेशी षड्यन्त्रकारीहरूसँग सामेल भएको कथा सेट गर्न आदेश दिइन् । उनले कथित रूपमा डा. अर्सलानलाई रुसबाट तेल खरिद नगरेकोमा सरकारलाई घेर्न र इमरान खानलाई साथ नदिनेलाई देशद्रोहीसँग जोड्न आफ?नो टिमलाई निर्देशन दिन आग्रह गरिन् ।

बुशराले अर्सलानलाई भनिन्- यो मुद्दालाई दबाउन दिनुहुन्न। ‘देश र इमरान खानलाई धोका दिँदैछ’ भन्ने कुरा जनताले थाहा पाउन सक्ने प्रवृत्ति बनाइनुपर्छ । अडियोमा उनले भनिन्– म तिमीलाई मात्र यो भन्दैछु… तिमीले कसैसँग यो कुरा नगर्नु ।’

अगाडि भनेकीछिन्– ‘उनीहरूले मेरो र फराहको बारेमा धेरै कुरा गर्नेछन् । यसलाई देशद्रोहसँग पनि जोड्नुपर्छ । उनीहरु उनको (इमरान खान) पछि लागेका छन् । तर तपाईंले यसलाई देशद्रोहसँग जोड्नु पर्छ।’

बुशरा बीबीसँग सम्बन्धित अडियो क्लिप सामाजिक सञ्जालमा आएको यो पहिलो पटक भने होइन । यस महिनाको सुरुमा, पाकिस्तान मुस्लिम लीग-नवाज (पीएमएल-एन) का नेताहरूले एक अडियो टेप खुलासा गरेका थिए।