काठमाडौं । चीनले अमेरिकी अन्तरिक्ष एजेन्सीका प्रमुखको त्यो चेतावनीलाई अस्वीकार गरेको छ जसमा उनले चीनले चन्द्रमा कब्जा गर्न सैन्य रणनीति अपनाइरहेको आरोप लगाएका थिए ।

नासाका प्रशासक बिल नेल्सनले जर्मन अखबार बिल्डलाई भने कि चीनले चन्द्रमामा आफ्नो मिसनहरू प्रक्षेपण गरिरहेको छ र यो “चिन्ताको विषय” हो। उनले भने, “उसले आफ्नो दावी गर्न सक्छ र अरूलाई चन्द्रमाबाट टाढा रहन भन्न सक्छ।” यो समाचार शनिबार पत्रिकामा छापिएको छ ।

समाचार एजेन्सी रोयटर्सका अनुसार उनले चीनको अन्तरिक्ष कार्यक्रम एक किसिमको सैन्य कार्यक्रम भएको र चीनले अरुको विचार र प्रविधि चोरेको बताएका थिए ।

NASA’s administrator Bill Nelson has claimed that China might be contemplating a takeover of the Moon as part of its military space program.

Read: https://t.co/7Uuvel6CIo

📸: NASA pic.twitter.com/my0daFSX5V

— The Weather Channel India (@weatherindia) July 4, 2022

यसको जवाफमा चीनको विदेश मन्त्रालयका प्रवक्ता झाओ लिजियानले सोमबार चीनको अन्तरिक्ष कार्यक्रम सामान्य र व्यावहारिक रहेको बताए। उनले अमेरिकाले आफूलाई बदनाम गरेको आरोप लगाए ।

झाओ लिजियानले भने, “यो पहिलो पटक होइन कि अमेरिकाको नासाले तथ्यलाई बेवास्ता गरेको छ, आफूले चाहेको कुरा भनेको छ र चीनलाई बदनाम गर्ने प्रयास गरेको छ। र वैध विदेशी मामिलाहरूलाई बदनाम गर्ने प्रयास गरेको छ। चीनले त्यस्ता गैरजिम्मेवारपूर्ण टिप्पणीहरूको कडा विरोध गर्दछ।”

उनले भने, “हामी अमेरिकी अधिकारीलाई ठूलो देशको जिम्मेवारी लिन, बाह्य अन्तरिक्षमा अमेरिकाको प्रभुत्वको नकारात्मक प्रभावलाई गम्भीरताका साथ विचार गर्न र सच्याउन आग्रह गर्दछौं। साथै बाह्य अन्तरिक्षमा शान्ति र सुरक्षा बढाउन योगदान पुर्‍याउन पनि आग्रह गर्दछौं ।”

China firmly rejects NASA administrator’s irresponsible remarks to misrepresent China’s space endeavors.https://t.co/HlDVoWRrjh

— Spokesperson发言人办公室 (@MFA_China) July 4, 2022

सन् २०१३ मा पहिलो पटक चीनले मानवरहित यान चन्द्रमामा अवतरण गरेको थियो । यसबाहेक, उसले सन् २०३० सम्ममा चन्द्रमामा आफ्नो पहिलो मानवयुक्त मिसन अवतरण गर्ने योजना बनाएको छ।

अर्कोतर्फ आफ्नो आर्टेमिस मिसन अन्तर्गत, नासाले सन् २०२५ सम्ममा चन्द्रमाको दक्षिणी ध्रुवमा मानवयुक्त मिसन अवतरण गर्ने योजना बनाएको छ।