काठमाडौं । एउटी युवतीले फेसबुकमा पुरुषलाई आफ्नो जालमा फसाएर होटलमा बोलाउँछिन् । यहाँ केटीका दुई हतियारधारी साथीहरू पहिले नै उपस्थित छन्। पीडित कोठामा पुगेपछि तीनै जना मिलेर उनलाई लुट्छन् र भाग्छन् । यो गिरोहले करिब एक महिनामा यस्ता ५ वटा लुटपाटका घटना गरेको प्रहरीको भनाइ छ ।

यो घटना अमेरिकाको न्युयोर्कको ब्रोंक्सको हो । न्युयोर्क प्रहरीले भनेको छ– ‘महिला पीडितसँग होटलको कोठामा जाने गर्थिन् । त्यहाँ महिलाले पीडितलाई नुहाएर आउन भन्थिन् । यसैबीच, महिलाले आफ्ना दुई साथी (एउटा पुरुष र एक महिला) लाई कोठाभित्र बोलाउँथिन्। पीडित बाथरुमबाट बाहिर निस्केपछि महिलाका दुवै सहयोगीले पीडितलाई बन्दुक देखाएर गोली हानेर मार्ने धम्की दिन्थे ।

त्यसपछि तीनैजनाले पीडितलाई टेपले बाँधेर सबै सामान लुटेर लैजान्थे । तर, अहिलेसम्म उनीहरुले पीडितलाई कुनै शारीरिक हानी पुर्‍याएका छैनन् । न्युयोर्क पोस्टका अनुसार यस्तो पहिलो घटना जुलाइ ७ मा ३१ वर्षीय पुरुष लुटिएको प्रहरीले जनाएको छ । प्रहरीका अनुसार गत जुलाइ २३ मा पाँचौं पटक यस्तै लुटपाट भएको थियो । यसपटक ४५ वर्षीय पुरुषलाई निशाना बनाइएको थियो ।

फेसबुकमार्फत मानिसहरूलाई आफ्नो जालमा फसाउने युवती करिब २५ वर्षकी भएको अधिकारीहरूले बताएका छन् । उनी पुरुषलाई सेक्सका लागि बोलाउने गर्थिन् ।

ती महिला करिब ५.२ फिट अग्लो भएको प्रहरीले जनाएको छ । उनले दुवै हातमा ट्याटु खोपेकी छिन् र चश्मा लगाउँछिन्। यो गिरोहकी दोस्रो महिला करिब ४० वर्षकी छिन् । सोही क्रममा गिरोहमा संलग्न एकमात्र पुरुष २५ वर्षको रहेको बताइएको छ ।

प्रहरीले गिरोहमा संलग्न तीन जनाको तस्बिर पनि सार्वजनिक गरेको छ । तीनैजना अपराधीको बारेमा जानकारी पाए प्रहरीलाई खबर गर्न पनि सर्वसाधारणलाई आग्रह गरिएको छ ।