काठमाडौं । इरानका आणविक ऊर्जाका प्रमुखले आफ्नो देशसँग आणविक हतियार निर्माण गर्ने क्षमता रहेको तर त्यस्तो कुनै योजना नभएको बताएका छन् । इरानको एक समाचार एजेन्सीले यो खबर दिएको छ । इरानको आणविक ऊर्जा प्रमुख मोहम्मद इस्लामीको बयान इरानका सर्वोच्च धार्मिक नेताका सल्लाहकारसँग मेल खान्छ।

शीर्ष अधिकारीहरूले सार्वजनिक रूपमा यस्तो दाबी गर्नु सामान्य होइन। यो भनाइसँगै इरानको आणविक कार्यक्रमलाई लिएर व्यक्त भइरहेको चिन्ता अझै बढ्न सक्छ । अमेरिकासँगको परमाणु सम्झौता रद्द भएपछि इरानले आफ्नो आणविक कार्यक्रमलाई थप विस्तार गरेको छ ।

तर, इरानले आफ्नो आणविक कार्यक्रम शान्तिपूर्ण उद्देश्यका लागि भएको दाबी गर्दै आएको छ । तर पश्चिमी देश इरानको यो दाबीसँग सहमत छैनन्। पश्चिमी देशहरूले परमाणु सम्झौताको पुन: कार्यान्वयनको लागि समय बिस्तारै सकिन लागेको बताउँछन्। उनले इरानको आणविक कार्यक्रम त्यस्तो तहमा नपुग्नु पर्ने बताउँछन् जहाँबाट फर्किन गाह्रो हुन्छ ।

इरानको आणविक ऊर्जा प्रमुख मोहम्मद इस्लामीले वरिष्ठ सल्लाहकार कमल खराजीको दाबी दोहोर्‍याए, इरानको समाचार एजेन्सी फार्सका अनुसार। इस्लामीले भने- खराजीले भनेझैं इरानसँग परमाणु बम निर्माण गर्ने प्राविधिक क्षमता छ, तर त्यस्तो कार्यक्रम अहिले एजेन्डामा छैन।