काठमाडौं । चर्चित स्टक व्यापारी राकेश झुनझुनवालाको आइतबार निधन भएको छ । उनले मुम्बईको ब्रीच क्यान्डी अस्पतालमा अन्तिम सास लिए। राकेश झुनझुनवालाको उमेर ६२ वर्ष थियो । सञ्चारमाध्यमका अनुसार स्वास्थ्यमा समस्या आएपछि उनलाई आज बिहान अस्पताल लगिएको थियो ।

भारतको वारेन बफेट भनेर चिनिने राकेश झुनझुनवालाको आकाश एयरलाइन्सको विमानले यसै महिना पहिलो उडान भरेको थियो । त्यसैबेला झुनझुनवाला सार्वजनिक रुपमा देखिएका थिए । केही रिपोर्टमा उनको स्वास्थ्य केही समयदेखि खराब रहेको पनि बताइएको छ ।

Rakesh Jhunjhunwala was indomitable. Full of life, witty and insightful, he leaves behind an indelible contribution to the financial world. He was also very passionate about India’s progress. His passing away is saddening. My condolences to his family and admirers. Om Shanti. pic.twitter.com/DR2uIiiUb7

— Narendra Modi (@narendramodi) August 14, 2022

राकेश झुनझुनवालाले ४०० कर्मचारीसहित यो कम्पनी सुरु गरेका थिए । आकासा एयरलाइन्सले आगामी मार्चसम्ममा मासिक दुई सय का दरले थप्दै दुई हजार कर्मचारी पुर्याउने लक्ष्य राखेको थियो ।

राकेश झुनझुनवालाको निधनप्रति प्रधानमन्त्री नरेन्द्र मोदीले दुःख व्यक्त गरेका छन् । पीएम मोदीले लेखेका छन्, राकेश झुनझुनवाला जीवन्त, रमाइलो र तिखो नजर भएका व्यक्ति थिए। राकेश झुनझुनवालाले आर्थिक संसारमा अमिट छाप छोडेको प्रधानमन्त्री मोदीले बताएका छन् । उनको निधनलाई दुःखद भएको भन्दै प्रधानमन्त्री मोदीले परिवारप्रति समवेदना व्यक्त गरेका छन् ।

Looks like a fan boy moment for PM ?
Save it for inspiration ?#RakeshJhunjhunwala #bigbull pic.twitter.com/p0MnJjhMPC

— Shivaji Shukla (@shivaji_20) October 5, 2021

गत वर्ष राकेश झुनझुनवालाको प्रधानमन्त्री नरेन्द्र मोदीसँगको भेटको तस्बिर पनि सामाजिक सञ्जालमा भाइरल भएको थियो । त्यसपछि मात्रै उनको आकाश एयरलाइन्सले सरकारबाट ग्रिन सिग्नल पाएको खबर पनि आयो ।