काठमाडौं । प्रधान सेनापति प्रभुराम शर्मासँग नेपालका लागि पाकिस्तानका राजदूत शैयद हैदर शाहले बिदाइ भेट गरेका छन् ।

राजदूत शाह नेपालमा आफ्नो कार्यकाल समापन गरी केही दिनपछि स्वदेश फर्कंदै छन् । सैनिक मुख्यालय जङ्गी अड्डामा भएको भेटका अवसरमा प्रधानसेनापति शर्माले कार्यकाल सफलतापूर्वक पूरा गरेकामा उनलाई बधाइ दिँदै सुखद् भविष्यका लागि शुभकामनासमेत दिएको सैनिक जनसम्पर्क तथा सूचना निर्देशनालयले जनाएको छ ।