काठमाडौं । संघीय संसद सचिवालयका सचिव ध्रुव प्रसाद घिमिरेले पदबाट राजीनामा गरेका छन् । आफ्नो कार्यकाल सकिने समय ९ महिना बाँकी छँदै उनले राजीनामा दिएका छन् ।

सचिव घिमिरेले महासचिव महासचिव भरतराज गौतमलाई मंगलबार राजीनामा पत्र बुझाएका हुन् । घरायसी समस्याका कारण राजीनामा दिनुपरेको घिमिरेले उल्लेख गरेका छन् ।

उनको राजीनामा राष्ट्रियसभा अध्यक्ष गणेशप्रसाद तिमिल्सिनाको अध्यक्षतामा बसेको सचिवालय व्यवस्थापन समितिको बैठकले स्वीकृत गरेको संसद सचिवालयले जनाएको छ ।