लगानीकर्ताहरूले प्रधानमन्त्रीलाई बुझाए ६ बुँदे ज्ञापनपत्र
काठमाडौँ। सेयर बजारका लगानीकर्ताहरुले प्रधानमन्त्री पुष्प कमल दाहाल (प्रचण्ड) लाई भेटेर ६ बुँदे मागसहित ज्ञापनपत्र बुझाएका छन्। लगानीकर्ताहरुले प्रधानमन्त्री दाहालसँग भेट गरी पुँजी बजार सुधारका लागि विभिन्न मागहरु प्रस्तुत गरेका हुन्।
उनीहरुले प्रमुख मागका रुपमा रहेका खुला रुपमा नयाँ ब्रोकर लाइसेन्स, नयाँ स्टक एक्सचेन्ज र कमोडिटी एक्सचेन्जको लाइसेन्स वितरण प्रक्रिया बिना ढिलासुस्ती कार्यान्वयन गर्न माग गरिएको छ।। बुधबार नेपाल इन्भेष्टर्स फोरम, सेयर लगानीकर्ता संघ नेपाल र नेपाल पुँजी बजार लगानीकर्ता संघका प्रतिनिधिहरुको टोलीले प्रधानमन्त्रीलाई भेटेका हुन्।
यस्तै, लगानीकर्ताले १२ करोडसम्मको सेयर कर्जाको सीमाले सेयर बजारलाई निरुत्साहित गरेकोले सो व्यवस्थालाई फिर्ता लिन, सेयर कर्जामा लगाइएको १५० प्रतिशतको जोखिम भारित औसतलाई १०० प्रतिशत नै कायम गर्नुपर्ने माग राखेका छन्। साथै लगानीकर्ताले प्रधानमन्त्री सामू अन्य माग पनि पेश गरेका छन्।
Facebook Comment