काठमाडौं । चीनको एउटा स्टोर आफ्नो अनौठो स्थानका कारण सामाजिक सञ्जालमा भाइरल भएको छ । तपाई सोचिरहनु भएको छ कि यो सुविधा स्टोरको बारेमा खास के छ ? यो चट्टानको किनारमा ३९३ फिटको उचाइमा लगभग हावामा झुण्डिएको छ।

चीनको हुनान प्रान्तको सिन्युझाई नेशनल जियोलोजिकल पार्कको पहाडको छेउमा काठको एउटा सानो बाकस झुण्डिएको छ। यसलाई विश्वको “सबैभन्दा असुविधाजनक” सुविधा स्टोर भनिएको छ। इनसाइडरको रिपोर्ट अनुसार, यसले पर्वतारोहणका बीचमा विश्राम चाहिने पर्वतारोहीहरूलाई खाजा बेच्छ।

यस स्टोरको तस्बिर पनि हालै ट्विटरमा @gunsnrosesgirl3 ह्यान्डलमा सेयर गरिएको थियो। तस्बिर सेयर भएपछि धेरैको ध्यान तानिएको छ । पोस्ट भएदेखि अहिलेसम्म झण्डै सात लाख पटक हेरिएको छ । योसँगै ५ हजारभन्दा बढी लाइक पनि पाएका छन् । धेरै मानिसहरूले यस स्टोरबारे आफ्नो प्रतिक्रिया साझा गरेका छन्।

एक व्यक्तिले लेखे, “यो पागल र अविश्वसनीय छ।” अर्कोले लेखे, “म यसको पछाडिको कारण कल्पना गर्न सक्दिन, तर यो अचम्मको छ। त्यसैले गर्दा म सधैं भन्छु कि हाम्रो जीवनमा हरेक चुनौतीमा सधैं अवसर हुन्छ, चाहे जतिसुकै कठिन लागे पनि ।”