मुस्ताङ। धार्मिक आस्थाको केन्द्र र अनुपम प्राकृतिक सौन्दर्यले भरिपूर्ण मुक्तिनाथ तथा मुस्ताङ क्षेत्रमा पर्यटकहरूको आकर्षण दिनप्रतिदिन बढ्दो छ।

विशेषगरी हरेक वर्षको मार्चदेखि मे र सेप्टेम्बरदेखि नोभेम्बर महिनासम्मको अवधिमा यहाँ भारतीय तथा आन्तरिक पर्यटकहरूको उल्लेख्य भिड लाग्ने गर्दछ।

यस क्षेत्रको विशिष्ट धार्मिक महत्त्व र मनमोहक हिमाली दृश्यहरूका कारण पर्यटकहरूको आगमनमा यसरी उच्च चाप बढ्दा स्थानीय स्तरमा सकारात्मक प्रभाव देखिएको छ।

पर्यटकहरूको यो बाक्लो उपस्थितिले मुस्ताङका स्थानीय होटल व्यवसाय, यातायात क्षेत्र तथा समग्र व्यापार व्यवसायलाई ठूलो आर्थिक टेवा पुर्‍याउँदै आएको छ।

तस्विर : अनिल परियार