काठमाडौँ । केही सातादेखि निरन्तर उच्च रुपमा बढिरहेको प्याजको भाउ आज पुस महिनाको पहिलो दिन भने ओरालो लागेको छ।

यसअघि बढेर प्रतिकेजी २ सय २५ रुपैयाँसम्म खुद्रा बिक्री भएको भारतीय सुकेको प्याज घटेर २ सय रुपैयाँदेखि २ सय १० रुपैयाँसम्म खुद्रा मुल्य तोकिएको छ ।

भारतले विदेश निर्यातमा प्रतिबन्ध लगाएपछि नेपालीबजारमा आकाशिएको प्याजको भाउ पछिल्लो समय चीनबाट चाईनिज प्याज आउन थालेपछि भने विस्तारै घट्न थालेको हो ।

आज सुकेकाे चाईनिज प्याज प्रतिकेजी १ सय ३५ देखि ४५ रुपैयाँसम्म रहेको छ भने खुद्रा मूल्य १ सय ८० देखि १ सय ९० रुपैयाँ रहेको छ ।

त्यस्तै आज नेपाली गोलभेडा ठूलो एक केजीको थोक औसत मूल्य ५५ रुपैयाँ रहेको छ भने खुद्रा औसत मूल्य ८५ रुपैयाँ रहेको छ । यो भाउ यसअघिको तुलनामा १० रुपैयाँ सस्तो हो ।

त्यस्तै रातो आलु रातो एक केजीको थोक औसत मूल्य ५४ रुपैयाँ रहेको छ भने खुद्रा औसत मूल्य ६८ रुपैयाँ रहेको छ ।

हेर्नुहोस् आजको थोक तथा खुद्रा मुल्य