दोहा । कतार एयरवेजले आफ्न्ना यात्रुहरूलाई टिकट काटेको मितिदेखि १ वर्षसम्मका लागि निःशुल्क यात्राको मिति सार्ने सुविधा उपलब्ध गराउने भएको छ ।

एयरवेजका अनुसार आगामी जुन ३० तारिखसम्मका लागि बुकिङ गरिएका टिकटहरुको यात्रा मिति परिवर्तन गर्नु परेमा निःशुल्क ट्राभल भौचर लिन सकिनेछ । यो भौचर पहिलोपटक टिकट काटेको मितिले १ वर्षसम्म वैध हुनेछ । त्यो अवधिमा यो भौचरको मद्दतले जुनसुकै मितिको टिकट लिन सकिनेछ ।

कोरोनको प्रकोप बढ्दै गएपछि कतार सरकारले सम्भावित जोखिमलाई ध्यान दिँदै अन्तराष्ट्रिय उडानमा प्रतिबन्ध लगाएपछि एयरवेजका उडान प्रभावित हुन् पुगेका छन्।