काठमाडौं । नेपालमा बिहिबार २७४ जनामा कोरोना संक्रमण देखिएको छ। स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा जागेश्वर गौतमले २४ घण्टामा ६ हजार ३०४ जनाको पीसीआर परीक्षण गर्दा २७४ जनामा कोरोना पुष्टि भएको जानकारी दिए।

योसँगै नेपालमा कोरोना संक्रमण हुनेको संख्या १९ हजार ५४७ पुगेको छ। जसमध्ये १४ हजार २४८ जना निको भएर फर्किएका छन्। पछिल्लो २४ घण्टामा मात्रै २२७ जना निको भएर घर फर्किएका छन्। हालसम्म नेपालमा सक्रिय संक्रमितको संख्या ५ हजार २२७ रहेको छ। यस्तै जना क्वारेन्टिनमा १३ हजार २०१ रहेका छन्।

नेपालमा कोरोनाबाट हालसम्म ५२ जनाको मृत्यु भएको छ।