काठमाडौं। अमेरिकी अभिनेत्री, गायिका, गीतकार तथा लेखिका मार्गरेट लिएन राइम्स सिब्रायनले हालै सामाजिक संजालमा आफ्नो पूर्ण नग्न फोटो शेयर गरिन् । लिएनले इन्स्टाग्राममा आफ्ना दुई तस्वीर शेयर गरेकी छिन् जुन फोटोमा उनको त्वचामा केही दागहरु देखिन्छन् । उनले यी तस्वीरको सहारामा छालासम्बन्धी एक रोगबारे जनचेतना फैलाउने प्रयास गरेकी हुन् । उनले यी तस्वीरसँगै एउटा भावुक पोस्ट पनि लेखेकी छिन् । पोस्टमा उनले आफू सोराइटिस नामको रोगबाट पीडित भएको बताएकी छिन् ।

यो रोग लागेपछि सुरुमा प्रभावित अंगहरुमा चिलाउने समस्या हुन्छ । त्वचामा पाप्राहरु बस्न सक्छन् वा शरीरमा राता राता दागहरु देखिन्छन् । लिएनले पोस्टमा आफूले यी फोटो शेयर गर्दै आफ्नो रोगको बारेमा बताएर आफूले निकै राहत महसुस गरेको बताएकी छिन् । उनले विश्व सोराइटिस दिवसको अवसर पारेर आफ्नो पोस्ट शेयर गरेकी हुन् । डाक्टरहरुका अनुसार सोराइटिसको कुनै पूर्ण उपचार छैन । यद्यपि यसका लक्षणको गम्भीरताका बावजुद उसलाई धेरै हदसम्म नियन्त्रण भने गर्न सकिन्छ ।

 

View this post on Instagram

 

So much of my journey, both personally and within my creations, my new chant record and podcast coming out soon, has been excavating pieces that I’ve been hiding and bringing them to the light. It’s been and still is a journey of allowing them out and welcoming and reintegrating those fragments back into wholeness. Music has been my gift, and why I’m here. But I want to give a voice to these other pieces of me. And I want to give a voice to what so many other people are going through. This is finally my time to be unabashedly honest about what psoriasis is and what it looks like. You know when you say something you’ve been holding in for so long, and it’s such a sigh of relief? That’s what these photos are to me. I needed this. My whole body—my mind, my spirit—needed this desperately. With today being World Psoriasis Day, I thought this would be the perfect time to share my story with @glamourmag, head to the link in my bio/ stories to read my full essay ? #worldpsoriasisday #psoriasis #psoriasisawareness #glamourmag #whatilivewith

A post shared by LeAnn Rimes Cibrian (@leannrimes) on Oct 29, 2020 at 9:23am PDT

लिएनले आफ्ना यी तस्वीरहरुसँगै ग्ल्यामर म्यागजिनमा एक लेख समेत लेख्दै आफ्नो स्वास्थ्य समस्याबारे जानकारी दिएकी हुन् । मानव शरीरको रोग प्रतिरोधी प्रणालीले शरीरकै स्वस्थ कोशिकाहरुमा आक्रमण गर्न थालेपछि सोराइटिस रोग हुन्छ । यसो हुँदा त्वचाका कैयौं कोशिकाहरु निकै तीब्र गतिमा बढ्न थाल्छन् । यो प्रक्रियाले त्वचामा कडा पाप्रा वा राता दागहरु बन्न थाल्छन् ।

मार्गरेटको जन्म अमेरिकाको मिसिसिपीमा भएको थियो । उनी ६ वर्षकी हुँदा उनको परिवार टेक्सास सरेको थियो जहाँ उनले स्वर र नृत्यको कक्षा लिन सुरु गरिन् । ५ वषर्नको उमेरमै स्थानीय ट्यालेन्ट शोमा भाग लिन थालेकी मार्गरेट ९ वर्षको उमेरमा अनुभवी गायिका बनिसकेकी थिइन् । १३ वर्षको उमेरमा उनले आफ्नो पहिलो एल्बम रिलिज गरेकी थिइन् जो निकै लोकप्रिय भएको थियो । उनले २ पटक ग्रामी अवार्ड, ३ पटक एसीएम अवार्ड, एक पटक सीएमए अवार्ड, एक पटक अमेरिकन म्युजिक अवार्ड र १२ पटक बिलबोर्ड म्युजिकल अवार्ड जितेकी छिन् ।