काठमाडौं। यसअघि कोरोनाभाइरसबाट संक्रमित भइ गम्भीर बिरामी परेर आइसीयूमै बसेर उपचार गराइ निको भएका बेलायती प्रधानमन्त्री बोरिस जोनसन पुनः आइसोलेसनमा बसेका छन् । अहिले फेरि कोरोनाभाइरसबाट संक्रमित व्यक्तिको सम्पर्कमा आएपछि प्रधानमन्त्री जोनसन पुनः आइसोलेसनमा बसेका हुन् । उनी स्वयंले ट्वीट गर्दै आफू कोरोना संक्रमित व्यक्तिको सम्पर्कमा आएकोले आफूलाई आइसोलेट गरेको बताएका छन् ।

Today I was notified by NHS Test and Trace that I must self-isolate as I have been in contact with someone who tested positive for COVID-19.

I have no symptoms, but am following the rules and will be working from No10 as I continue to lead the government’s pandemic response.

— Boris Johnson (@BorisJohnson) November 15, 2020

जोनसनले आफूमा कुनै लक्षण नदेखिएको बताउँदै आफूले लक्षण नदेखिए पनि नियम पालन गर्ने र आइसोलेसनमै रहेर सरकारी काम अगाडि बढाउने बताएका छन् । उनले आफूले महामारी विरुद्ध सरकारी अभियानको जिम्मेवारी लिने बताएका छन् । गएको अप्रिलमा कोरोना संक्रमित पाइएको प्रधानमन्त्री जोनसनको स्वास्थ्य निकै बिग्रिएपछि उनलाई तीन दिनसम्म आइसीयूमा राखेर उपचार गर्नुपरेको थियो ।