काठमाडौं। साताको पहिलो दिन आइतबार सेयर बजार परिसूचक नेप्से ५४ अंकले बढेको छ। बजार खुलेसँगै बढ्न थालेको सेयर बजार ५४ अंक बढेर २ हजार ६ सय ६५ दशमलव ११ अंकमा बन्द भएको छ।

यस दिन ठूला कम्पनीको कारोबार मापन गर्ने सेन्सेटभ परिसूचक पनि २ दशमलव ०७ अंकले बढेको छ।

यस्तै केही दिन अघि सेयर बजार घटेको अवस्थामा सुस्ताएको सेयर कारोबार रकममा पनि वृद्धि भएको छ। आइतबार कुल २ सय २६ कम्पनीको १ करोड ५८ लाख ३२ हजार ४ सय ३ कित्ता सेयर किनबेच हुँदा ७ अर्ब ३६ करोड ८ लाख भन्दा बढी रकमको कारोबार भएको छ।

आइतबार सबै कम्पनीका समूहका परिसूचकमा हरियाली देखिएकोमा सबैभन्दा धेरै इन्सोरेन्स कम्पनीको सेयर बढेको छ।

यस दिन महिला लघुवित्तिय संस्था र सिंगटी हाइड्रो इनर्जीको सेयर मूल्य करिव १० प्रतिशतले बढेको छ। यस्तै सेयर बजारमा हरियाली छाए पनि एभरेष्ट बैंक कन्फ्रेन्स, सनराइज फस्र्ट म्युचुअल फण्ड, लगाएतका कम्पनीको सेयर मूल्य भने घटेको छ।