काठमाडौं। गाउँमा छिरेर जनधनको क्षति गराइदिने एउटा हात्तीसँग गाउँलेहरु यति रिसाए कि उनीहरुले मिलेर पहिले त्यो हात्तीलाई मारे । त्यसपछि उनीहरु सबैले बाँडेर सिंगो हात्तीको मासु खाएर सके । यो हात्ती पश्चिम अफ्रिकी देश बेनिनको राष्ट्रिय निकुञ्जबाट भागेको थियो । निकुञ्जबाट भागेपछि यो हात्तीकांदी क्षेत्रमा घुमिरहेको थियो । यो हात्ती गएको मार्च महिनादेखि नै यहाँ आसपासको क्षेत्रमा निकै सक्रिय थियो ।

डेलीस्टारमा प्रकाशित समाचारअनुसार यो हात्तीले सबैभन्दा पहिले एक महिलालाई निशाना बनाएको थियो । त्यसपछि उसले गाउँमा अन्य कैयौं मानिसहरुलाई पनि घाइते बनाएको थियो । हात्तीले गाउँलेहरुमाथि आक्रमण गर्न थालेपछि गाउँलेहरु त्यो हात्तीसँग निकै आक्रोशित थिए । यहाँका कैयौं मानिसहरुले अधिकारीहरुसँग यो हात्तीलाई मारिदिने वा पुनः यसलाई राष्ट्रिय निकुञ्जमा फर्काइदिन अनुरोध पनि गरेका थिए । तर, उनीहरुको यो अनुरोधप्रति प्रशासनको तर्फबाट खासै ध्यान दिइएको थिएन ।

यसको एक महिनापछि त्यो हात्तीले सोनोसोरो क्षेत्रमा २ जनालाई मारेको थियो । हात्तलिे मानिसलाई मारेपछि प्रशासन यो हात्तीलाई तह लगाउने विषयमा गम्भीर भएको थियो । त्यसपछि दक्षिण अफ्रिकी गैर सरकारी संस्था अफ्रिकन पार्क रेन्जर्सले यो हात्तीको खोजीसुरु गरेको थियो । २७ अप्रिलमा रेन्जर्सले यो हात्तीलाई मारिसकिएको जानकारी दिएको थियो । त्यसपछि रेन्जर्सका कर्मचारीहरुले त्यो हात्तीलाई काटेर त्यसको मासु स्थानीयलाई बाँडिदिएका थिए । सामाजिक संजालमा यो घटनाका तस्वीर भाइरल भएका थिए ।

रिपोर्टका अनुसार रेन्जर्सले यो हात्तीलाई नचाहँदा पनि मार्नु परेको थियो किनकि यो त्यहाँका जनताको लागि निकै गम्भीर खतरा बनेको थियो । फ्रान्स २४ सँग कुरा गर्दै फरेस्ट्री क्याप्टेन डेभिड आयेगननले यो हात्तलिाई अलीबोरी नदी नजिकै मारिएको बताए । उनले आफूहरुको काम पर्यावरण बचाउनु भए पनि स्थानीय जनताका कारण आफूहरु निकै दबाबमा भएको बताए । हात्ती निकै हिंस्रक भएकोले त्यसलाई राष्ट्रिय निकुञ्जमा फर्काउन कठिन भएको र त्यसका लागि ढुवानीको साधन पनि नभएको उनले बताए ।