काठमाडौं।विवेकशील साझाका संयोजक मिलन पाण्डेलाई पार्टी विरुद्ध भ्रम नछर्न प्रवक्ता शरदराज पाठकले चेतावनी दिएका छन्। प्रवक्ता पाठकले ट्वीट गर्दै भनेका छन्,‘विडम्वना तपाईँ पार्टी बैठक छलेर ट्वीटरमा भ्रम छर्दै हुनुहुन्छ। ’ संयोजक पाण्डेले भने, राजनीति आफ्नो कन्भिक्सनमा गर्ने भएकाले आधारभूत मान्यतामा बहुमत र अल्पमत नहुने बताएका छन्।

‘२०७८ सालमा आएर पार्टीभित्र, त्यो नि वैकल्पिक पार्टीभित्र राजतन्त्र र गणतन्त्रमा भोटिङ गर्ने कुरा सिधै खारेज योग्य छ। पाण्डेले भने,बहुदलीय लोकतन्त्रमा राजतन्त्र मान्नेको एउटा पार्टी हुन्छ, गणतन्त्र मान्नेको अर्को।’जवाफमा प्रवक्ता पाठकले भनेका छन्,‘पार्टी संघीयता खारेजी र धर्म निरपेक्षतामा जनमतसंग्रहको पक्षमा उभिएको हो, लोकतन्त्रमा प्रश्न छैन ।रवीन्द्र जी, तपाईँ, म र कयौँ साथीले ०७४ को चुनावमा उम्मेदवारका रूपमा सार्वजनिक गरेको प्रतिवद्धतापत्र बिर्सनुभो?’भनेर प्रश्न गरेका छन्।’

संघीयता खारेजी र धर्मनिरपेक्षतामा जनमत संग्रह गरिनुपर्नेबारे अध्यक्ष मिश्रको चर्चित राजनीतिक प्रस्ताव पार्टीको केन्द्रीय कमिटी बैठकले दुईतिहाइ मतसहित पारित गरेपछि पार्टीभित्र मिश्र र पाण्डेको समूहबीच विवाद चर्केको हो।

मिलन जी,
विडम्वना तपाईँ पार्टी बैठक छलेर ट्वीटरमा भ्रम छर्दै हुनुहुन्छ। पार्टी संघीयता खारेजी र धर्म निरपेक्षतामा जनमतसंग्रहको पक्षमा उभिएको हो, लोकतन्त्रमा प्रश्न छैन।
रवीन्द्र जी, तपाईँ, म र कयौँ साथीले ०७४ को चुनावमा उम्मेदवारका रूपमा सार्वजनिक गरेको प्रतिवद्धतापत्र बिर्सनुभो? https://t.co/ZTn3qNjmrL pic.twitter.com/8kOyXFvNcw

— Sharad Raj Pathak (@SharadRPathak) November 2, 2021