काठमाडौं। पाकिस्तानको पंजाब प्रान्तको सियालकोटमा एक फ्याक्ट्रीका म्यानेजरको रुपमा कार्यरत एक श्रीलंकाली नागरिकलाई केही हप्ता अगाडि धर्मको नाममा भीडले कुटेर हत्या गरेको थियो । हत्यापछि उनको शवलाई जलाइएको थियो । श्रीलंका सरकारले त्यो घटनाको निन्दा गर्दै यो अपराधमा दोषीलाई छिटो कारवाहीको माग गरेको थियो । यो घटनापछि पाकिस्तानले यो मामिलामा ठूलो पहल गरेको छ ।

जुन फ्याक्ट्रीमा श्रीलंकाली नागरिकलाई भीडले कुटेर मारेका थिए त्यहाँ ती म्यानेजरको ठाउँमा फेरि पनि एक श्रीलंकाली नागरिकलाई नै नियुक्त गरिएको छ । प्रधानमन्त्रीका विशेष प्रतिनिधि हाफिज मोहम्मद ताहिर अशरफीले यो निर्णयको जानकारी दिएका हुन् । उनले बुधबार श्रीलंका हाइ कमिश्नरसँग भेटेका थिए । यो भेटमा उनले भिडले हत्या गरेको घटनाप्रति दुःख व्यक्त गर्दै पाकिस्तान सरकारको यो निर्णयको जानकारी दिइयो ।

भेटमा उनले मृतक प्रियंथा कुमाराको परिवारलाई पाकिस्तान सरकारले अझै पनि आर्थिक सहयोग गर्ने समेत जानकारी दिइयो । उनका छोराछोरीको पढाइको सबै खर्च पनि पाकिस्तान सरकारले दिने भएको छ । फ्याक्ट्रीमा नवनियुक्त श्रीलंकाली को हुन् भन्ने स्पष्ट भइसहेको छैन । सुरक्षाको कारण उनको पहिचान नखुलाइएको बताइएको छ । श्रील्ंकाले पाकिस्तान सरकारको यो प्रस्तावको स्वागत गरेको छ ।